ოქრო და ბრინჯაო ყაზახეთიდან
საქართველოს ოლიმპიური რეზერვების მზადების ეროვნული ცენტრის აღსაზრდელები მძიმეწონოსანი ლევან არაბული და ზვიად პატარიძე (130 კგ) ალმათაში გამართული ტურნირიდან მედლებით დაბრუნდნენ, მოჭიდავეებმა ოქროსა და ვერცხლის მედლები გაინაწილეს.
30 სექტემბერსა და 1 ოქტომბერს ყაზახეთმა ბოლატ ტურლიხანოვის საერთაშორისო ტურნირს უმასპინძლა, სადაც მონაიწილეობა რუსეთის, ირანის, კორეის, უნგრეთის, ბელარუსის, სომხეთის, პოლონეთის, საბერძნეთის, თურქეთის, ლიტვის, ტაილანდის, ტაჯიკეთის, ყირგიზეთის, უზბეკეთის, საქართველოსა და ყაზახეთის ნაკრებებმა მიიღეს.
საქართველო ბერძნულ-რომაული სტილით მოჭიდავეთა ნაკრებმა აღნიშნულ შეჯიბრებაზე ჯამში 6 მედალი მოიპოვა: მეორე საპრიზო ადგილები მინდია წულუკიძემ (75 კგ) და რობერტ კობლიაშვილმა (85 კგ) დაიკავეს, ბრინჯაოს მედლები კი შმაგი ბოლქვაძემ (75 კგ) და ლაშა გობაძემ (85 კგ) მოიპოვეს.
| << დაბრუნება | 2017-10-03 |